غزل______
اسانجي آستاني تي هلي آ يار هڪ واري ،
محبت جي مئخاني تي هلي آ يار هڪ واري ،
نڀائي روح جا رشتا ، کڻي هٿڙن ۾ گلدستا ،
ڪري ٽوڪو زماني تي هلي آ يار هڪ واري ،
پڙھڻ دردن سندا دفتر ، دلي دلدار اڄُ دلبر ،
اداسي آشياني تي هلي آ يار هڪ واري ،
چوي ٿو چاھ َسان ”ساقي“ وڏي ويساھَ سان ”ساقي“
منهنجي ويڙھي ويراني تي هلي آ يار هڪ واري ،
ناراض نگهاهن سان ڇو يار نهارين ٿو ،
نفرت جون ڪري ڳالهيون رت نير روئارين ٿو ،
محبت جي مٺا بدلي ،نفرت جي عطاعت سان،
بي ڏوھُ ڏئي ڏکڙا ، بي موت ڇو مارين ٿو ،
انصاف خدا وٽ آ ، انصاف ڪندين تو ڇا ،
حيوان جيئان هر پل ڪو ڌيان نه ڌارين ٿو ،
مجبور ڏسي مونکي ، مغرور سفا ٿيندي ،
دلدار ڏئي دڙڪا ، ڇو در تان ڌڪارين ٿو ،
محفل ۾ ڏئي مهڻا ، سر عام سڄڻ سهڻا ،
لک وار ڪري دل تي ڳڻتين ۾ ڇو ڳارين ٿو ،
”ساقي“ کي سدا تنهنجي سڪ سار ستائي ٿي ،
پر پاڻ پٿر دل تون ڪنهن پل به نه سارين ٿو ،
No comments:
Post a Comment